Jæja

Þá er komið að bloggi númer tvö inná þessari síðu…

Takk fyrir öll kommentin, nema það frá mömmu minni sem hljómaði svona

Heiðrún Hámundar sagði:
6. ágúst, 2008 kl. 9:18 fh.

Til hamingju með nýju síðuna þína Snorri minn.
Miðað við fyrri störf, þá hef ég enga trú á því að þú bloggir eitthvað hérna.. en ég held þó í vonina;o)

Svo ef að maður kíkir nú inná síðuna hennar, sér maður blogg frá 27. júní, en það er meira en mánuður síðan að það var skrifað, hmmm..

Þannig að ég vona þá að hún móðir mín byrji nú að blogga eitthvað að viti til þess að fá smá samkeppni í þetta. Það þýðir ekkert að koma með svona yfirlýsingar og vera svo frekar löt við að blogga.

En nóg af því….
Það er búið að vera frekar leiðinlegt veður síðustu daga, rok, rigning og 15° hiti, nálægt Íslenska sumerveðrinu eins og ég man eftir því, en það er nú víst eitthvað að breytast ;-).

Skólinn byrjar á mánudaginn næsta og við mamma fórum niður í bæ að versla inn fyrir skólann í dag.

Annars er nú stærsta fréttin að við pabbi erum búnir að panta okkur mðia og hótel á Liverpool-United í ensku deildinni 13. sept. Það verður bara snilld að komast á Anfield, og hvað þá að komast á besta leikinn á tímabilinu.

Svona að lokum ætla ég að segja frá Flickr síðunni minni, en ég er nokkuð duglegur við að setja nýjar myndir þangað inná. Hérna er ein þeirra.

Ný síða

Jæja, þá er maður kominn með nýja síðu. Ég fékk hann pabba minn margmiðlunarhönnuð til að setja síðuna upp, en ég hannaði sjálfur útlitið.

Síðan á að vera sem einföldust í notkun og er hægt að sjá dagatal með öllum færslunum mínum og nýjustu flickr myndir þar fyrir neðan.

Annars er nú allt fínt að frétta héðan úr Lystrup. Veðrið búið að vera allt of heitt síðustu vikurnar, Hekla byrjuð aftur í leikskólanum og ég að byrja í skólanum eftir rúma viku…

Annars vonast ég nú til þess að halda þessari síðu eitthvað lifandi og skrifa inná Ýmislegt og Um mig.